Сайт жасап беруге тапсырыс қабылдаймыз! Толық жасап беру құны – 150 мың теңге. Хабарласу үшін: qorlyq@list.ru
Басты бет » Көкейтесті » АЗАМАТТЫҚ ҚОҒАМДЫ ДАМЫТУ- УАҚЫТ ТАЛАБЫ

АЗАМАТТЫҚ ҚОҒАМДЫ ДАМЫТУ- УАҚЫТ ТАЛАБЫ

Шымкентте «Қазақстандағы ауылдық үкіметтік емес секторды дамыту: сынақтар, көзқарастар, табысты тәжірибелер» тақырыбында конференция басталды. «Береке» және «Экоцентр» қоғамдық бірлестіктерінің бірлескен іс-шарасына АҚШ-тың USAID агенттігі қаржылай қолдау көрсеткен. Конференцияның ашылу салтанатында Түркістан облысы әкімінің орынбасары Ұласбек Сәдібеков сөз сөйлеп, қоғамның дамуына өңірдегі үкіметтік емес ұйымдардың қосар үлесі мол екенін айтты, деп хабарлайды Түркістан облысы әкімінің баспасөз қызметіне сілтеме жасаған didarbek.kz.


Конференцияда «Қазақстанның Азаматтық Альянсы» заңды тұлғалар бірлестігінің президенті Асылбек Қожахметов азаматтық қоғамды дамыту жөнінде баяндама жасамақ. Сондай-ақ, шағын және ауылдық территорияларда азаматтық белсенділікті қолдау бойынша Ресей тәжірибесі туралы айтылады деп күтілуде.

Жиында гендерлік саясат, мүмкіндігі шектеулі азаматтар мәселесі, ҮЕҰ мен мемлекеттің байланысын арттыру, ауыл жастарының белсенділігін жоғарылату және өзге де мәселелер бойынша ұсыныстар айтылып, баяндамалар жасалады деп жоспарланған. Шымкенттегі конференцияға еліміздің түкпір-түкпірінен қоғамдық бірлестік төрағалары қатысып жатыр.

«Береке» қоғамдық бірлестігі халықаралық ұйымдардың қолдауымен Қазақстанда 20-дан астам ірі әлеуметтік жобаларды жүзеге асырған. Осы арқылы Түркістан, Жамбыл, Ақмола және Қарағанды облыстарында көптеген іс-шаралар өткізілді. «Береке — ынтымақ арқылы» атты бағдарлама бойынша еліміздегі 100 аудан, қаланың 700 өкілі 35 тренингке қатысса, 101 адам халықаралық конференцияларда тәжірибе жинаған.

 

Пікір жазу