Басты бет » Ауыл жаңалықтары » МЕМЛЕКЕТТІК ҚЫЗМЕТ МЕКТЕБІНІҢ СТУДЕНТТЕРІНЕ ДӘРІС ОҚЫЛДЫ

МЕМЛЕКЕТТІК ҚЫЗМЕТ МЕКТЕБІНІҢ СТУДЕНТТЕРІНЕ ДӘРІС ОҚЫЛДЫ

ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша департаментінің бастамасымен облыс орталығы Түркістанда орналасқан Қ.А.Ясауи атындағы Халықаралық қазақ-түрік университетінде Мемлекеттік қызмет мектебінің ашылу салтанаты өтті. Мемлекеттік қызметшілер мектебінің ашылу рәсімінен кейін университет президенті мен Департамент басшысы өзара ынтымақтастық туралы меморандумға қол қойды.

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша департаментінің басшысы Ғ.Тұрсынбаев Қ.А.Ясауи атындағы Халықаралық қазақ-түрік университетінде жаңадан ашылған Мемлекеттік қызмет мектебінің студенттеріне алғашқы дәрісті оқыды.
Университет кітапханасының оқу залында өткен дәріске Мемлекеттік қызмет мектебіне қабылданған 20 студент пен оқу ұйымының ұжымдары қатысты.

Шара барысында Департамент басшысы мемлекеттік қызмет саласының басым бағыттары бойынша түсіндірме беріп, мемлекекеттік қызмет саласының тарихы мен қазіргі жағдайы және болашағы туралы айтып өтті.
Сондай-ақ, болашақ маман иелеріне мемлекет қызмет туралы толық ақпарат қамтылған жадынамалар таратылды.
Жиын соңында студенттер тарапынан тақырыпқа қатысты бірқатар сұрақтар қойылып, олар нақты жауаптар берілді.

 «DIDARBEK.KZ» – ақпарат»

Пікір жазу

Ваш email нигде не будет показанОбязательные для заполнения поля помечены *

*