Басты бет » ОҚО жаңалықтары » ТҮРКІСТАН ОБЛЫСЫНДА ӨЛІМ-ЖІТІМ КӨРСЕТКІШІ 2,6 ПАЙЫЗҒА ТӨМЕНДЕГЕН

ТҮРКІСТАН ОБЛЫСЫНДА ӨЛІМ-ЖІТІМ КӨРСЕТКІШІ 2,6 ПАЙЫЗҒА ТӨМЕНДЕГЕН

Түркістан облысында 2018 жылдың 10 айында жалпы өлім-жітім көрсеткіші  3,8-ді құрап, өткен жылдың осы кезеңімен салыстырғанда 2,6 пайызға төмендеген. Бұл туралы Түркістан облысының Өңірлік коммуникациялар қызметінде өткен брифингте Денсаулық сақтау басқармасының басшысы Мұқан Егізбаев мәлімдеді.
Сондай-ақ,  ана өлім-жітім көрсеткіші өткен жылдың 10 айлық көрсеткішімен салыстырғанда 4,2 пайызға төмендеп, республика бойынша облыс 9 орынға тұрақтаған.
«Өңірдегі нәрестенің өлім-жітім көрсеткіші 8,6-ны құрап,  өткен жылмен   салыстырғанда 16,2 пайызға төмендеді. 10 айлық нәтижесінің қорытындысы бойынша облыс нәресте өлімі көрсеткіші республикада 6-орында. Бұдан өзге, кадрлық ресурстар бойынша облыстағы дәрігерлер саны — 4957. Бұл 10 мың халыққа шаққанда 25,4 көрсеткішті құрайды.  Сондай-ақ, ағымдағы жылдың 10 айында облыстық деңгейде 4350 маман, республикалық деңгейде 1716 маман біліктілігін арттырды. Сонымен қатар, 63 маман Мәскеу, Қазан, Минск, Санкт-Петербург, Новосибирск қалаларының клиникаларында білімін жоғарылатып, тәжірибе алмасты», — деді Мұқан Кеңесбекұлы.
Денсаулық сақтау басқармасы басшысының айтуынша,  Түркістан облысында 38 медициналық ұйым медициналық ақпараттық жүйеге 100 пайыз қосылған.

 «DIDARBEK.KZ» – ақпарат»

Пікір жазу

Ваш email нигде не будет показанОбязательные для заполнения поля помечены *

*