Басты бет » Ауыл жаңалықтары » Қазақтың күй өнері жаңғыруда

Қазақтың күй өнері жаңғыруда

Сарыағаш аудандық мәдениет және тілдерді дамыту бөлімінің ұйымдастыруымен Елбасының «Болашаққа бағдар: рухани жаңғыру» бағдарламасы аясында аудандық «Күй құдіреті» атты күй орындаушылар арасында байқау өтті.


Күй өнерінің сүлейлері мен дүлейлерінің музыкалық мұраларын халық арасында кеңінен насихаттау, асқақ шығармашылықтарын дәріптеу, күйді нақышына келтіріп орындайтын таланттарды табу. Жастар арасында домбыра аспабының қасиетін ұғындыру мақсатында өткен байқау екі кезеңнен тұрды. Яғни І кезеңде шертпе күй орындалса, ІІ кезеңде төкпе күйден үміткерлер бәсекеге түсті. Байқауды Сарыағаш аудандық мәдениет және тілдерді дамыту бөлімінің басшысы Әбіләзім Жаншуақов ашып беріп, үміткерлерге сәттілік тіледі.
Қазылар алқасы күй орындаушылық шеберлігіне, сахна мәдениеті мен ұлттық киіміне жете көңіл аударып,сайыс соңында күй құдіретін жан дүниесімен сезіп, домбыраның құлағында шебер ойнай алатын мықтының мықтысын анықтап диломдар берілді. Барлық байқауға қатысушыларға бағалы сыйлықтармен алғыс хаттар табысталды. Атап айтқанда І-орын Б.Рахматулла, ІІ-орын Н.Абатова, ІІІ-орынды Л.Печайкина иеленді. Ал, аудан әкімінің арнайы жүлдесімен Ұ.Төлеген, Сүгір Әліұлы атындағы жүлдемен Ж.Пернебаев, Төлеген Момбеков атындағы жүлдесімен Ж.Абдуманапов марапатталды.

 

Өз тілшімізден.

Пікір жазу

Ваш email нигде не будет показанОбязательные для заполнения поля помечены *

*