Сайт жасап беруге тапсырыс қабылдаймыз! Толық жасап беру құны – 150 мың теңге. Хабарласу үшін: qorlyq@list.ru
Басты бет » Ауыл жаңалықтары » МАҚТААРАЛДЫҢ МЕМЛЕКЕТТІК ҚЫЗМЕТШІЛЕРІ ӨРЛЕДІ

МАҚТААРАЛДЫҢ МЕМЛЕКЕТТІК ҚЫЗМЕТШІЛЕРІ ӨРЛЕДІ

ҚР-ның Мемлекеттік қызметшілер күнін мерекелеу қарсаңында өңірдегі аудан, қала әкімдіктеріне тапсырылған «Рухани жаңғыру» бағдарламасы аясында мемелкеттік қызметшілерді шығармашылық тұрғыда қолдау, сондай-ақ оларды қоғам алдында жаңа қырынан таныту мақсатында дарынды мемлекеттік қызметшілер арасындағы шығармашылық сайыстың жеңімпаздарды анықталып отыр.

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысы бойынша департаменті ұйымдастырған облыстық сайыста барлығы 6 қатысушы жеңімпаз атанса, жүлденің тең жартысын мақтааралдық мемлекеттік қызметшілер қанжығасына байлапты.

Бүгін аудан әкімдігінің аппарат мәжілісінде аудан әкімі м.у.а. Бейсенбай Төребеков шығармашылық сайыстан жүлдемен оралған мемлекеттік қызметшілерді арнайы марапаттады. Аудан басшысы жүлдегерлерге Департаменттің дипломын табыстап, өзінің жылы лебізін жеткізді.

«Мемлекеттік қызметшілердің шығармашылықпен айналысқаны — өздерін жан-жақты дамытқаны. Сондай-ақ, шығармашылық — адамның есте сақтау мен ойлау қабілетін жоғарылатады. Сондықтан, мақтааралдық мемлекеттік қызметшілердің шығармашылық сайыстан жүлделі орындардан көрінуі — біздің ауданымыз үшін үлкен қуаныш!» — деді Бейсенбай Тасболатұлы.

Айта кетейік, мемлекеттік қызметшілер күніне орай ұйымдастырылған облыстық шығармашылық сайыста Бақберген Дамирұлы, Нұрдәулет Мұқанәліұлы, Сәкен Беласарұлы І орынды, Мадияр Асанұлы ІІІ орынды алғаны үшін және Ырысбек Қошқарұлы белсенді қатысқаны үшін марапатталды. Осылайша Мақтаарал ауданының мемлекеттік қызметшілері өздерін жаңа қырынан таныта білді.

Пікір жазу