Бүгін алтыншы шақырылымдағы Түркістан облыстық мәслихатының кезектен тыс қырқыншы сессиясы өтті. Халық қалаулары күн тәртібіндегі 3 мәселені қарап, бірауыздан бекітті.
Бұл туралы облыстық «On’tu’stik» телеарнасының тілшісі М.Әсембектің материалына сілтеме жасаған «didarbek.kz» хабарлайды.
Депутаттар бірінші кезекте Түркістан облыстық мәслихатының 2018 жылғы 12 желтоқсандағы «2019-2021 жылдарға арналған облыстық бюджет туралы» шешіміне өзгерістер енгізу туралы мәселені алға тартты.
Шәріпбек Жамалбекұлы — Түркістан облыстық мәслихатының депутаты: шешім жобасындағы бірінші қосымшасында. Екінші шығындар бөлімінде облыс әкімінің аппараты бойынша 120-113 жергілікті бюджеттерден бөлінетін қаражаттар бюджеттік бағдарламасы 120 млн. теңгеге қысқартылсын. Облыстық қаржы және мемлекеттік әдістар басқармасы бойынша 751-12 облыстық жергілікті атқару органының резервінің бюдежттік бағдарламасы 120 млн. теңгеге ұлғайтылсын. Шешім жобасына аталған өзгерістерді енгізіп, қабылдауды ұсынамын.
Күн тәртібіндегі кезекті мәселелер — Түркістан облысы әкімдігі жанындағы үкіметтік емес ұйымдар мен БАҚ өкілдерімен өзара іс-қимыл және ынтымақтастық жөніндегі кеңестің дербес құрамын құру болды. Аталған мәселелерді халық қалаулылары бекітіп, тиісті шешім қабылдайтын болады.
