Басты бет » ОҚО жаңалықтары » Роза ПАК, Шымкент қалалық корей этномәдени бірлестігінің төрайымы: КӨПШІЛІКТІҢ КӨКЕЙІНДЕ ЖҮРГЕН МӘСЕЛЕЛЕР ҚАМТЫЛДЫ

Роза ПАК, Шымкент қалалық корей этномәдени бірлестігінің төрайымы: КӨПШІЛІКТІҢ КӨКЕЙІНДЕ ЖҮРГЕН МӘСЕЛЕЛЕР ҚАМТЫЛДЫ

Мемлекет басшысы Қасым-Жомарт Тоқаев Қазақстан халқына арнаған алғашқы Жолдауын жариялады. Парламент палаталарының бірлескен отырысында Президент өзінің Сайлауалды бағдарламасында айтылған межелердің орындалатынын қадап тұрып айтты. Бұл ұстаным жұртшылықтың көңілінен шықты.
Бір сөзбен айтқанда, Жолдау өзіндік нақтылығымен, ұғынықтылығымен ерекшеленді. Халықтың әл-ауқатын арттыруға бағытталған құжатта әлеуметтік тұрғыда аз қамтылған қазақстандықтардың жағдайын жақсартудың нақты міндеттері айқындалды.
Осыған дейін қабылданған маңызды мемлекеттік бағдарламалар мен саяси құжаттардың жалғасы болып табылатын бұл жолғы Жолдау ұстаздар мен мәдениет саласы қызметкерлеріне ерекше екпін беруімен көпшіліктің көңілінен шықты.
Тоқаев мемлекетті нығайту, отандық бизнесті қолдау, халықты әлеуметтік қорғау және экономиканы дамыту жайына тоқталды
Мемлекет басшысы бағаның өсуіне сын айтты. Жергілікті билік қызметінің тиімділігін тікелей бағалау бастамасын көтерді.
Қазақстандықтардың тұрмыс сапасын арттыру, кәсіпкерлікті қолдау, инфрақұрылымды дамыту, баспана мәселесін шешу сынды тегеурінді басымдықтар жүзеге асқан жағдайда елдің тұрмысы түзеліп, жағдайымыздың жақсаратынына біз сенеміз.
Жолдау болашағымыздың іргесін нықтауға міндеттейді. Ендеше қуатты Қазақстанды бірге құрып, елдің әл-ауқатын жақсарту жолында жемісті жұмыс істеп, ерінбей еңбектенейік.

Пікір жазу

Ваш email нигде не будет показанОбязательные для заполнения поля помечены *

*