Басты бет » Ауыл жаңалықтары » ТҮРКІСТАН ОБЛЫСЫНДА 441 МЛРД ТЕҢГЕДЕН АСТАМ ИНВЕСТИЦИЯ САЛЫНҒАН

ТҮРКІСТАН ОБЛЫСЫНДА 441 МЛРД ТЕҢГЕДЕН АСТАМ ИНВЕСТИЦИЯ САЛЫНҒАН

Түркістан облысы бойынша өткен жылы негізгі капиталға салынған инвестиция көлемі 441 млрд 214 млн. теңгені құрап, 2018 жылмен салыстырғанда 38,5%-ға артқан. Бұл туралы Түркістан облыстық статистика департаментінің басшысы Айдар Әбілдабеков Өңірлік коммуникациялар қызметінде өткен брифингте мәлімдеді, деп жазады Түркістан облысының Өңірлік коммуникациялар қызметіне сілтеме жасаған didarbek.kz ақпараттық агенттігі.


«Инвестиция салымдарының басым бөлігі өнеркәсіп және жылжымайтын мүлік салаларына тиесілі. Негізгі инвестициялық салымдардың 85,3%-ын шағын кәсіпорындар жүзеге асырған, олардың көлемі 376 млрд 207 млн. теңгені құрады», — деді Айдар Ахметбекұлы.


Бұдан өзге, Түркістан облысы бойынша былтыр өнеркәсіп өндірісінің көлемі — 498 млрд 347 млн. теңгені құрап, 2018 жылдың сәйкес кезеңімен салыстырғанда 5,3%-ға артқан. Тиісінше республикадағы облыстың өнеркәсіп өнім көлеміндегі үлесі —1,7%.

Ал ауыл, орман және балық шаруашылығы өнімдерінің жалпы көлемі өткен жылы 629 млрд 816,2 млн. теңгені құрады, бұл 2018 жылмен салыстырғанда 4,7%-ға артқандығын көрсетіп отыр.Республикадағы ауыл шаруашылығы өнімдерінің жалпы үлесі бойынша облыс 3-ші орынды иемденді.

 

Пікір жазу

Ваш email нигде не будет показанОбязательные для заполнения поля помечены *

*