Қарағанды қаласының әкімі Нұрлан Әубәкіров маңызды шешім қабылдады. Ол Қарағандының орталығында әйгілі әнші Виктор Цойға ескерткіш орнатуды қолдайтынын білдірді.
Шымкент қаласының әкімі Ғабидолла Әбдірахымов пен Оңтүстік Қазақстан облысының әкімі Жансейіт Түймебаев та қарағандылық әріптестерінен қалыспай, қала аумағынан бірнеше жылдан бері орын таппай жүрген Дінмұхамед Қонаев пен Асанбай Асқаровтың ескерткішін орнатуға жылы қабақ танытса, нұр үстіне нұр болар еді…
Виктор Цойға қарағанда, еліміз үшін көбірек еңбек сіңірген тұлғалар еді ғой!..
PS. Қазір ғана белгілі болғандай, биыл күзде Алматы қаласындағы Мұқан Төлебаев көшесінде Виктор Цойға тағы бір ескенткіш орнатылатын болды. Бұл жөнінде Кинематография өнері мен ғылымдары Ұлттық академиясының президенті Рашид Нұғманов хабарлады.
Әсет ӘССАНДИ
