Шымкент қаласының әкімі аладағы мектептер мен балабақшаларды аралады. Мұрат Әйтенов Х. Досмұхаметов атындағы №4 жалпы орта мектепте жүріп жатқан күрделі жөндеу жұмыстарымен танысты, деп жазады Шымкент қаласы әкімінің баспасөз қызметіне сілтеме жасаған DIDARBEK.kz.
Алғаш білім ошағының іргетасы 1939 жылы қаланған. Кейіннен 1991 жылы жаспарлас ғимарат бой көтеріп, мектеп кеңейе түскен. 1200 орындық білім ордасында бүгінде «Югстрой сервис-Н» құрылыс компаниясы күрделі жөндеу жұмыстарын жүргізіп жатыр. Жөндеу жұмыстарымен қатар, білім ошағында жаһаздар, оқушы партасы да жаңартылады. Сондықтан, Мұрат Дүйсенбекұлы мұндағы парталардың қолданысқа жарайтынын қажеттілігі бар өзге мектептерге беруді тапсырды.
Қала әкімі бұдан кейін №13 «Ертөстік» балабақшасына барды. Іргетасы 1939 жылы қаланған бөбекжай 310 орынға арналған. Бүгінгі күнде әбден тозығы жеткен балабақшаның ескі ғимаратына «KazIntelGroup» ЖШС күрделі жөндеу жұмыстарын жүргізіп жатыр.
Мердігер жоспарланған кестеге сәйкес, бөбекжайдағы құрылыс жұмыстарын тамыз айында бітіруі керек.
© DIDARBEK.kz
