Басты бет » Ауыл жаңалықтары » АЛҒЫСПЕН ЖАУАП ҚАТУ – АЗАМАТТЫҚ ПАРЫЗ

АЛҒЫСПЕН ЖАУАП ҚАТУ – АЗАМАТТЫҚ ПАРЫЗ

Түркістан облысы Мақтаарал ауданының кәсіпкерлері су тасқыны орын алған аймаққа гуманитарлық көмек әкелушілерге 600 тонна қырықабатты тегін таратуда, деп жазады облыстық Өңірлік коммуникациялар қызметіне сілтеме жасаған DIDARBEK.kz ақпараттық агенттігі.

Мақтаарал ауданында су тасқыны салдарынан зардап шеккен азаматтарды бірінші қажеттіліктегі тауарлармен қамтамасыз ету үшін аудан аумағында бүгінгі күнге дейін 600 тоннадан астам гуманитарлық көмек жинақталды. Оның басым бөлігі азық-түлік, гигиеналық, медициналық, тұрмыстық-техникалық, құрылыс заттары және киім-кешектер.

Еліміздің барлық өңірлерінен келіп жатқан көмекке алғыс қайтару мақсатында аудан әкімі Бақыт Асановтың бастамасымен жеке кәсіпкер Қанат Маратұлы 600 тонна қырыққабатты гуманитарлық көмекті тиеп алып келген өңірлердің жүк көліктеріне тегін таратуда. Оның айтуынша, мақтааралдықтарға қиын тұста көмек қолын созған азаматтарға алғыспен жауап қату – азаматтық парыз болмақ.

Айта кетерлігі, бүгінгі таңда эвакуациялық пункттерде орналасқан азық-түліктің 218 тоннасы тасқыннан зардап шеккен тұрғындар тарқатылған.

© DIDARBEK.kz

Пікір жазу

Ваш email нигде не будет показанОбязательные для заполнения поля помечены *

*