Сайт жасап беруге тапсырыс қабылдаймыз! Толық жасап беру құны – 150 мың теңге. Хабарласу үшін: qorlyq@list.ru
Басты бет » Қала тынысы » АУА ТАЗАРТҚЫШ ҚҰРЫЛҒЫ ТАРТУ ЕТІЛДІ

АУА ТАЗАРТҚЫШ ҚҰРЫЛҒЫ ТАРТУ ЕТІЛДІ

Шымкент қаласында коронавирус инфекциясымен күресіп жатқан медицина қызметкерлеріне ауа тазартқыш құрылғысы тарту етілді. Сыйлықтарды ақ халаттыларға «ZEPTER International» компаниясының қызметкерлері жеткізіп берді, деп жазады Шымкент қалалық денсаулық сақтау басқармасына сілтеме жасаған DIDARBEK.kz  ақпараттық агенттігі.

Қайырымдылық шара коронавирус инфекциясы пандемиясына қарсы күресте аянбай еңбек етіп жүрген медициналық қызметкерлерін қолдауға бағытталған. Игі іс шараға мұрындық болған компания атынан қаладағы жұқпалы аурулар ауруханасы, №2 оңалту орталығы мен «Мейірім» оңалту орталығына замануи үлгідегі “Therapy Air ® iOn” ауа тазартқыш қондырғысы берілді.

Бұл жоғары технологиялық құрал бөлме ауасын таза және қауіпсіз сақтауға мүмкіндік беретін заманауи технология негізінде жасалған.

Аталған медициналық ұйымдарда коронавирус инфекциясына шалдыққан науқастарға емдеу іс шараларын жүргізеді.

Халықаралық компания коронавирус инфекциясымен күресте зор үлесін қосып жүрген медицина қызметкерлеріне алғысын осылай білдіруді жөн деп тапты.

© DIDARBEK.kz

Пікір жазу