Шымкент қаласы бойынша биылғы оқу жылын 172 мектепте 222 037 оқушы аяқтады.
Мектеп бітіруші түлектер саны — 8 885, оның ішінде ҰБТ тапсыруға өтініш берген талапкерлер саны — 6 845.
«Алтын белгі» иегерлері – 510, «Үздік аттестат» иегерлері – 356.
Шымкент қаласы білім басқармасының мәліметінше, биылғы ҰБТ 20 маусым – 5 шілде аралығында өтеді. Тест өткізу пункттеріндегі аудиториялардың сапасы, техникалық жабдықтармен қамтылу дайындығы қатаң бақылауға алынған.
Тестілеу Оңтүстік Қазақстан мемлекеттік университеті мен Оңтүстік Қазақстан мемлекеттік педагогикалық университеті және «Silk Way» университеті ғимараттарында өтеді.
Сонымен қатар, ҰБТ өткізу пункттерінде қоғамдық тәртіптің, көлік қозғалысының, медицианалық жедел жәрдем, өрт сөндіру және ақпараттық түсіндірме жұмыстарының сапалы жүргізілуі және санитарлық нормалардың қатаң сақталуы бақылауға алынды.
ҰБТ- барынша әділ өткізіледі. Түлектерге қандайда бір гаджет қолдануға тиым салынады. Бұл болашақ буын иелерінің тек өз біліміне сеніп, алдағы өмірі тек өз қолында екенін сезінуге негіз болады. Аудиториядағы бейне камералар арқылы ата-ана үйде отырып ақ баласының сынақ тапсыру барысын көре алады.
Шымкент ақпараттық-коммуникациялық орталығы
