«Мәдениет, ақпарат, спорт және туризм кәсіптік одағы» РҚБ Түркістан облыстық филиалының төрағасы Бастарбек Пірімбетовтің қатысуымен сала қызметкерлерінің кезектен тыс жиналысы өтті. Жиынға Түркістан өңіріндегі республикалық, облыстық мәдениет және өнер, спорт, туризм саласының қызметкерлері қатысты. Жиын барысында Мемлекет Басшысы Қ.Тоқаевтың Қазақстан халқына арнаған Жолдауы мен ҚР Кәсіподақтар федерациясының XXVI съезінде қаралған кәсіподақ қызметінің басым бағыттары талқыланды. Кәсіподақтың жүзеге асыруы тиіс басым бағыттарына тоқталған филиал төрағасы Бастарбек Пірімбетұлы қоғамдық, әлеуметтік тұрғыда да кәсіптік одақтың белсенділігі жоғары болуы маңызды екенін атап өтіп, бірқатар мәселелерге тоқталды.
Жиын барысында өз ісіне аса жоғары жауапкершілікпен аянбай еңбек сіңіріп зейнеткерлік демалысына шыққан бірқатар мәдениет майталмандарына алғыс айтып, арнайы сый-сипаттар табыс етті.
Сонымен қатар, өз саласын өркендету жолында табанды еңбек етіп жүрген мәдениет, спорт, туризм саласының 4 қызметкері министрдің, 8 қызметкер кәсіподақтың Құрмет грамотасымен марапатталды.
@ Didarbek.kz
