«Қазақстандық салалық мәдениет, спорт, туризм және ақпарат қызметкерлерінің кәсіптік одағы» қоғамдық бірлестігінің Шымкент қалалық филиалының төрағасы Руслан Шеримов «Қалың қалай, бастауыш ұйым?» акциясы аясында қалалық Саяси қуғын-сүргін құрбандарына арналған музейінде кездесу өткізді. Кездесуге қадірлі қонағы ретінде мәдениет қайраткері, «Қазақстандық салалық мәдениет, спорт, туризм және ақпарат қызметкерлерінің кәсіптік одағы» қоғамдық бірлестігінің Түркістан облыстық филиалының төрағасы Бастарбек Пірімбетов қатысты.
Шымкент қалалық Саяси қуғын-сүргін құрбандарына арналған музейінде тарихымызбен қаңқұйлы жылдардың болған оқиғасымен, оның жазықсыз құрбаны болған азаматтардың есімдерімен, қазақ зиялыларының демократиялық мәндегі еңбектері мен ұлттың мәдени құндылықтарымен толық танысуға болады.
Музейде 25 қызметкер жұмыс істейді. Барлығы да кәсіподақ мүшелері.
Кездесу барысында музей директоры Серғазиев Батырғазы Арғынғазыұлы – 60 жасқа толуына орай марапатталып, мерейтой иесіне шапан жабылды.
© Didarbek.kz
