Сайт жасап беруге тапсырыс қабылдаймыз! Толық жасап беру құны – 150 мың теңге. Хабарласу үшін: qorlyq@list.ru
Басты бет » Шымкент » ШЫМКЕНТ: ҚАРАҒАШ КӨШЕТІНІҢ 87 МЫҢ ДАНАСЫ ЕГІЛДІ

ШЫМКЕНТ: ҚАРАҒАШ КӨШЕТІНІҢ 87 МЫҢ ДАНАСЫ ЕГІЛДІ

Шымкент жасыл желекке орана түспек. Қала тұрғындарының қатысуымен бүгінде Шымшаһарда ағаш отырғызу шаралары жалғасуда.
Көшет егу дәстүрін бұл жолы қаладағы Шымкент қаласы Табиғи ресурстар және табиғат пайдалануды реттеу басқармасына қарасты «Жасыл белдеу» коммуналдық мемлекеттік мекемесі қолға алды.
Бұл ретте Кайнарбұлақ тұрғын алабында орналасқан 976 гектар жер учаскесін ағаш көшеттерімен толықтыру жұмыстары жүргізілуде.
Аталған жұмыстар бойынша қазіргі таңда 97 500 қарағаш көшетінің 87 мың данасы үстіміздегі жылдың 17 сәуірінен бастап, қазіргі күнге дейін егілді. Қалған 10 500 қарағаш көшетін егу жұмыстары мамыр айында толық аяқталады деп жоспарлануда.
Алдағы уақытта отырғызылған көшеттерді суару жұмыстары, су тасымалдаушы көліктермен жүргізіледі. Сонымен қатар 976 га жер учаскесінде орналасқан 20 га алма бауын қоршау жұмыстары толық аяқталды.
Еске салайық, бұған дейін Мемлекет басшысы елімізде 2 млрд. ағаш отырғызуды тапсырған болатын. Енді міне, мегаполис тұрғындары экологиямен күресуді біріге қолға алып отыр.

Пікір жазу