Шымкент қаласындағы Абай атындағы орталықтандырылған көпшілік кітапханалар жүйесі мен «Visit Shymkent» туристік ақпараттық орталығы Тәуелсіздіктің 30 жылдығы аясында аға буын мен өскелең ұрпақ арасындағы байланысты нығайту, рухани құндылықтарды дәріптеу, ұрпақтар сабақтастығын қалыптастыру, шахмат спорт түрінің бұқаралығын, спортшылардың шеберлігін арттыру, ардагерлер, жастар арасында салауатты өмір салтын сақтау арқылы кітапхана оқырмандарының санын көбейту мақсатында «Ақ тұлпар» ардагерлер шахмат клубы мен «Жас толқын» жастар командасы арасында шахмат турнирін ұйымдастырды.
«Шымкент – еліміздің шахмат астанасы» брендін қалыптастыруға бағытталған іс-шараға ардагерлер кеңесінің мүшелері, зиялы қауым өкілдері, ақын-жазушылар, көпшілік оқырмандар шақырылды.
Шара»Baltekstil», «MEY», «Delix», «TOP SELLER of CHEMICAL PRODUCTS» кәсіпорындары, «Шара бара» сервис орталығы демеушілігімен өткізілді.
Ойын соңында жеңімпаздар түрлі дәрежелі дипломдармен, арнайы сыйлықтармен марапатталды.
© Didarbek.kz
