Сайт жасап беруге тапсырыс қабылдаймыз! Толық жасап беру құны – 150 мың теңге. Хабарласу үшін: qorlyq@list.ru
Басты бет » Көкейтесті » 1,3 МИЛЛИОН ТҮП ҚЫЗҒАЛДАҚ

1,3 МИЛЛИОН ТҮП ҚЫЗҒАЛДАҚ

Оңтүстік Қазақстан облысының орталығы Шымкент қаласында 1,3 миллион түп қызғалдақ тұқымы отырғызылды. Қыстай қар астында жатып, ерте көктемде қаланы сұлулықпен көмкеретін голландиялық гүлдерді отырғызу жұмыстары аяқталуға жақын. Былтыр дәл осындай қызғалдақтардың 700 мың түбі егілген болатын. Биыл олардың саны екі есеге ұлғайып отыр.

Тұқым егу жұмыстары қаланың орталық көшелерінде сәулетшілер мен суретшілердің бірлесіп сызған эскизіне сай егілуде.

«Біз егіп жатқан гүлдер келесі жылдың көктемінде, яғни сәуір айында әдемі болып гүлдейтін болады. Негізінен Голландиядан келген гүлдің сорттарын отырғызып жатырмыз. Сары, қызыл, көк, алқызыл, күлгін секілді 6 түрлі түс бар. Егер күтімі мен баптауы жақсы болса, қалаға ерекше сұлулық сыйлары сөзсіз», – дейді көгалдандыру компаниясының өкілі Сұлтанхан Ахметов.

Күз айында егілген гүлдер көктем мезгілінде толық жайқалып өскен кезде ұлттық нақыштағы оюлар мен геометриялық фигураларды тамашалауға мүмкіндік тумақ.

Шырайлы Шымқаламыз көркейген үстіне көркейіп келеді. Осы бағытта еңбек етіп жүрген азаматтарға алғыстан басқа айтарымыз жоқ.

Өз тілшімізден

Пікір жазу