Еліміздің Оңтүстігінде орналасқан шуақты шаһар Шымкентіміз инвесторлар үшін ең тиімді қала десек, қателесе қоймаймыз. Өйткені, қаланың әлеуметтік-экономикалық дамуына инвестиция құйған кәсіпкерлер еш ұтылмайтыны айдан анық белгілі болып тұр. Неге дейсіздер ғой? Бұның онан астам себебі бар:
- Үшінші мегаполис атанып келе жатқан Шымкенттің бүгінгі таңда бір миллионға жуық тұрғыны бар.
- Шымкент орталығы болып табылатын Оңтүстік Қазақстан облысында 3 миллион тұрғын тұрады.
- Өңірімізбен шекаралас жерлерде 10 миллионнан астам адам бар.
- 1500 шақырым ара қашықтықта Орталық Азия елдеріні 7 астанасы орналасқан.
- Бүкіл әлемдегі тоғыз жолдың торабы мен Ұлы Жібек жолы да біздің өңірімізді айналып өтпейді.
- Еліміздегі ең төмен бағалар да осы Шымкентте.
- Еліміздің жалғыз Өңірлік инвестициялық орталығы да Шымкентте орналасқан және осы жерде қарқынды жұмыс істеп келе жатыр.
- Шымкент – Қазақстанның ең жылы және шуақты қаласы.
- Қазақстан жылыжайларының 90 пайызы еліміздің Оңтүстігінде орналасқан.
- Шымкент – 700 тарихи және киелі жерлердің мекені.
- Шымкент – ТМД елдерінің 2020 жылғы мәдени астанасы.
Өз тілшімізден
