Басты бет » Көкейтесті » ШЫМҚАЛАНЫҢ БАСТАМАСЫ

ШЫМҚАЛАНЫҢ БАСТАМАСЫ

Шымкенттің төрт ауданында қаланың жаңа дәрежесіне байланысты конференциялар өтті. Осыдан біраз бұрын, 17 мамыр күні Мемлекет басшысы Шымкент үшінші миллионды қала атанғаны туралы ресми мәлімдеген болатын.

Аудандарда өткен конференцияларға мыңға жуық адам қатысты. Олар – көшелер мен үй төрайымдары, қаланың ақылдастар кеңесінің мүшелері. Конференциялар барысында тұрғындар осынау оқиғаға қатысты өз пікірлерін белсенді түрде білдіріп, Шымкенттің дәрежесі өзгеруіне байланысты бір ауыздан үндеу қабылдау ұсынылды.

Конференция барысында Шымкенттің қарқынды дамып келе жатқан қала екені айтылып, барлық шымкенттіктердің ел дамуына қосқан үлесі талқыланды. Қазақстан Республикасының «Әкімшілік-аймақтық құрылым туралы» 1993 жылғы 8 желтоқсандағы Заңының 3-бабында «Республикалық маңызы бар қалаларға ерекше мемлекеттік маңызы бар немесе тұрғындарының саны миллион адамнан асатын елдімекендер жатады», – деп көрсетілген. Ал бұл – Президенттің Жарлығы қабылданған соң, Шымкенттің республикалық маңызы бар қала атануына мүмкіндік бар деген сөзі.

Тұрғындар бұл ұсынысты бірауыздан қабылдады. Еске салайық, күні кеше облыс және қала әкімдері Шымкент тұрғындарына арнап үндеу жолдаған болатын. Әкімдер онда қала тұрғындарын Шымкенттің миллионды қала атануымен құттықтаған еді.

Өз тілшімізден

Пікір жазу

Ваш email нигде не будет показанОбязательные для заполнения поля помечены *

*