Еліміздегі диқаншылықпен аты шыққан аймақтардың бірі – Келес өңірі. Аудан өз алдына бөлініп шыққалы бері бұл кәсіп қайта жандана түскен. Өйткені, диқан үшін ең қажетті нәрсе, су мәселесі оң шешімін тапқан. Сонымен қатар, ұзақ жылдардан бері қараусыз қалған қашыртқы каналдар да тазаланып, ел қуанышы еселенуде.
Бұл туралы облыстық «On’tu’stik» телеарнасының тілшісі П.Биназарқызының материалына сілтеме жасаған «didarbek.kz» хабарлайды.
Ауданның қайтадан дербес атануы, көптеген мүмкіндіктерге жол ашуда. Өйткені, елдімекендер мен егіс алқаптарына қажетті су молынан келіп, халық бір жадырап қалды. Соның арқасында көптеген диқандар қазірдің өзінде бір алқаптан екінші өнімдерін алуға әзір.
Смайыл Ыбырайымов – Келес ауданының тұрғыны: Сондай –ақ, аудан аумағында қазір ұзақ жылдардан бері қараусыз қалған каналдар мен су қашыртқылары да толықтай тазалануда. Соның арқасында қазір шіліңгір шілденің қақ ортасы болса да судан тапшылық жоқ. Мұның бәрі аудан басшылығы мен осы сала азаматтарының ерен еңбегінің нәтижесі екені даусыз.
Айдос Көшеров – «Гидроқұрылыс» ЖШС-нің механигі: Жалпы, бүгінгі таңда аудан бойынша 145 канал мен 147 қашырқы бар. Олардың бәрін де кезең кезеңімен тазарту жоспарланған. Дәл қазір Ұшқын ауыл округіне қарасты 77 шақырымдық қашырқы механикаландырылған әдіспен тазалануда.
Әбубәкір Сапаров «Келес ауданының су шаруашылығы» МКК директоры: Жер асты суының көтерілуінен жер тұзданып кеткен… қашыртқылар тазаланса ол болмайды. Қазір «Гидроқұрылыс» мекемесі жұмыс атқарып жатыр. «Ұшқын» ауылындағы бұл жұмысқа 4 эксковатор мен 4 бульдозер тартылған.. Жұмыс жоспарға сай жүргізілуде…
Сондай –ақ, бүгінге дейін 14 шақырымды құрайтын Араншы- 2 каналы да толық тазартудан өтіп, оның да суы ең соңы елдімекендерге дейін молынан жетуде. Ал алқаптардағы мына жайқалып тұрған бау – бақшалар – соның нәтижесі болса керек.
