Шымкенттік кикбоксинг шеберлері Ақтауда өткен мықтылар сайысына қатысып келді. Жерлестеріміз Фазлиддин Сафаров пен Ғалымжан Қанаев өз салмағындағы алтын медаль иегері атанды.
Бұл туралы облыстық «On’tu’stik» телеарнасына сілтеме жасаған «didarbek.kz» хабарлайды.
Жарыс 8-11 тамыз аралығында өткен. Онда еліміздің түкпір-түкіпірнен спорт шеберлері өзара сынға түсті. Шымкент қаласының кикбоксинг бойынша алда екеенін ескерсек, бұл додада қос жерлесіміз қатар жеңіске жетті. Өз салмағы бойынша алтын медаль алған Фазлиддин Сафаров пен Ғалымжан Қанаев әлем чемпионатына жолдама алды. Споршылар қолдау көрсеткен тілеулестеріне алғысын білдіруде.
Ақтауда өткен Әлем чемпионатына іріктеу – еліміздің нағыз мықтыларын анықтады. Мәселен, өз салмағында сынға түскен қос спортшы бұл додада жеңіске жету үшін ұзақ дайындалған. Бақ пен бап қатар шапқан жарыста бапкердің де еңбегі ерен. Бүгін ол шәкірттерін күтіп алып, ерекше толқуда. Ары қарай да жаттығуды тоқтатпайтындықтарын мәлімдеді.
Енді жеңімпаздар Түркияда өтетін әлем чемпионатында бақ сынайды. Бұл жарыс күзде, 22 қарашада басталмақ.
