Бүгін Шымкент қаласының әкімі Ерлан Айтахановтың өкімімен Қазақстан Республикасы Президенті Әкімшілігінің келісімімен қала әкімінің орынбасары лауазымына Бұхарбай Парманов тағайындалды.
Бұл туралы Шымкент қаласы әкімінің баспасөз қызметіне сілтеме жасаған «didarbek.kz» ақпараттық агенттігі хабарлайды.
Бұхарбай Рысқұлұлы 1962 жылы дүниеге келген, білімі – жоғары. Еңбек жолын 1980 жылы Ленин ауданы Әлішер Навои колхозының колхозшысы болып бастаған. Мемлекеттік қызметті 1986 жылы Кентау қалалық қаржы бөлімінің мемлекеттік кірістер инспекциясының экономисті қызметінен бастаған.
1987-2018 жылдар аралығында Ленин аудандық қаржы бөлімінің мемлекеттік кірістер экономисті, аға салық ревизоры-инспекторы, бас салық ревизоры-инспекторы қызметтерін атқарды. Сонымен қатар, салық және қаржы полициясы органында және Сарыағаш ауданы әкімінің орынбасары, Сарыағаш, Төлеби аудандарының әкімі лауазымын атқарған.
2018 жылдан бүгінгі күнге дейін Шымкент қаласы Абай ауданының әкімі қызметін атқарып келген.
Қала әкімінің тағайындауындағы талғамы мен таңдауына тағы бір таң қалыпы, Бұхарбай бауырымызға жаңа қызметте сәттілік пен абырой биігінен көрініп, қаламызды көркейтуде аянбай еңбек ете беріңіз дегіміз келеді.
