Қаратау ауданының ТЖ бөлімінің қызметкерлері мамандандырылған өрт сөндіру бөлімінің өрт сөндірушілерімен, әкімдік, полиция және газ шаруашылығы өкілдерімен тұрғын үй секторында өрттің, улы газбен уланудың, сондай-ақ өрттерде адам өлімінің алдын алу және профилактикасы бойынша жоспарлы жұмыстарды жалғастыруда.
Осындай рейдтердің бірі Қаратау ауданының жеке секторы бойынша өтті, оның барысында ТЖ қызметкерлері халықпен әңгімелесіп, өрт қауіпсіздігі ережелері туралы айтты. Азаматтарды қолдан жасалған электр құралдарын пайдаланбауды, сіріңкелер мен оттықтарды балалар үшін оңай қол жетімді жерде қалдырмауды, кіреберістерде және төсекте темекі шекпеуді сұрады. Өрт сөндірушілер барлық тұрғындарға осы жағдай бойынша арнайы дайындалған жадынамаларды табыс етті.
ТЖ қызметкерлері «тәуекел топтары»деп аталатын отбасыларға ерекше көңіл бөлді. Өрт сөндірушілер тұрмысы нашар, көп балалы отбасыларды аралап, ата-аналармен балаларға қауіпсіз және жайлы өмір сүру жағдайларын жасау міндеттері туралы түсіндіру әңгіме жүргізді, өрт қауіпсіздігі ережелері туралы жадынамалар таратты.
Өкінішке орай, тұрғын үйлерде болып жатқан өрттердің негізгі себебі адам факторы болып табылады, Адамдар бейқам немесе ұмытшақтығы бойынша электр плиталарын, жылытқыштарды қосып тастап кетеді, мас күйінде темекі шегеді, нәтижесінде өрт болып жатыр. Мұндай рейдтердің басты міндеті-адамдарға олардың бейқамдығы қорқынышты трагедияның себебі болуы мүмкін екенін еске салу. Үлкендердің назарын балалардың қауіпсіздігіне аударғымыз келеді! Балаларды, әсіресе жас балаларды үйде қалдырмаңыз!
