ҚР Журналистер Одағы Шымкент қалалық филиалының төрағасы Уәли Қыдыр қалам ұстаған бір топ тілшілер қауымының еңбегін еледі. Қоғам айнасына айналған бұқаралық ақпарат құралдары өкілдерін төл мерекелерімен құттықтап, құрмет грамотасын табыстады, деп жазады «On’tu’stik» телеарнасының тілшісі Ә.Дәулетбекқызының материалына сілтеме жасаған DIDARBEK.kz хабарлайды.
Шығармашылық ұжымның еселі еңбегін насихаттаған журналистер қатарында Оңғар Тәжиев сынды аға буынмен қатар қаламы қарымды жастар да бар. Оңғар Тәжиев Шымкент қаласында ҚР құрметті журналисі атағына ие болды.
Бүгінгі дамыған заман көшінде ақпараттың алар орны ерекше. Жыл он екі ай қоғамдық ойдың қозғаушысы, жаңалықтың жаршысы болып, тер төккен қалам иелерінің бірі — Олжас Мамыр. Сонымен қатар ол әлеуметтік желі белсендісі. Қарымды қалам иесі қозғаған тақырыптар қашанда әлеуметтік маңызға ие. Мерекеде мерейі тасыған маман марапаттан гөрі халықтың қамын басты орынға қояды.
Елде енгізілген төтенше жағдай кезінде әлемді жайлаған індетті көзге ілмей қызмет еткен мамандардың бірі – БАҚ өкілдері. Олар сын сағатта уақытпен санаспай ақпаратты жедел әрі сауатты жеткізе білді. Осы еңбектерін елеген Уәли Қыдыров бұдан кейінде аталмыш саланың дамуына бірлесе үлес қосуға шақырды. Сондай- ақ, шара барысында Оңтүстік телеарнасының да бірқатар жас журналистері түрлі марапаттарға ие болды.
©Өз тілшімізден
