Шымкент қаласында өткен тәулікте коронавирус инфекциясы 21 адамнан анықталды. Инфекцияға шалдыққан науқастармен байланыста болған 150 адамның тізімі дайындалып, карантин талаптарын сақтау бойынша нұсқау берілген . Өкінішке қарай, науқаспен байланыста болған азаматтар арасында карантин талаптарын бұзу жайттары көптеп кездесуде. Мұны бірнеше рет медицина мамандарымен өткізген бақылау жұмыстары кезінде анықтап, карантин талаптарын бұзу бойынша құзырлы орган өкілдеріне хабар бердік.
Осы орайда коронавирус инфекциясына шалдыққан науқаспен байланыста болған азаматтар үйде отырып, карантин талаптарын ұстауы тиіс. Қажет жағдайда жергілікті емхана мамандары науқаспен байланыста болған азаматтарға еңбекке жарамсыздық қағазын ашып бере алады.
Себебі, науқаспен байланыста болған азаматтардың инфекция тарату қаупі жоғары. Сондықтан өзгенің өміріне қауіп төндірмей, карантин талаптарын қатаң ұстану шақырамыз!
Бұл ретте, медицина мамандары қала тұрғындарына қатерлі індеттің әлі де қауіп төндіріп тұрғанын ескертеді. Сақтық шараларына салғырт қарамай, адамдар көп шоғырланатын орындардан аулақ болуын, қоғамдық көліктерде, дүкендер мен қоғамдық тағамдану орындарында бетперде киіп жүруге шақырады.
