Осы жылдың бірінші ақпанынан бастап Шымкентке «Спутник V» вакцинасының І компонентінің – 74 700, II компонентінің 14 700 дозасы жеткізілген. Бүгінде шаһарда коронавирусқа қарсы екпе алатындардың қатары көбейген.
Қазір қалада 38 екпе егу пункті жұмыс істеуде. Кез келген қала тұрғыны екпе егу пункітіне барып ақысыз КВИ-ге қарсы вакцина салдыра алады. Ол үшін азамат қаладағы мемлекеттік немесе жекеменшік емханалардың бірінде тіркелген болуы керек.
Екпе салардан алдын азамат міндетті түрде сауалнамаға жауап беріп, ерікті түрде вакцина алатыны туралы келісім береді.
Емханалардағы екпе егу кабинеттерінің барлығы қажетті жабдықтармен қамтамасыз етілген. Екпе салатын қызметкерлер арнайы оқытудан өткен.
Айта кетсек, бір тәулік ішінде 6 224 адам вакцина салдырды. Оның 6 216-ы I компонент, 8 адамға II компонент егілген. Екпе науқаны басталғалы барлығы 31 012 адам вакцинацияланды. Оның ішінде 6 168 адам вакцинаның екі компонентін алған.
Мамандар өз жақындарыңыз бен туыстарыңыздың өміріне қауіп төндірмей, барлық карантиндік талаптарды сақтануға шақырады. Өйткені вирусты инфекцияға шалдыққан адамдардың санының одан әрі артуы немесе артпауы сіз бен бізге байланысты.
