Шымкент қаласында денсаулық сақтау саласындағы тың өзгерістер мен МӘМС жүйесі туралы мәліметтер бүгін «Мегаполис-Қазақстан» Сауда компаниясының қызметкерлерімен кездесу барысында талқыланды.
«Міндетті әлеуметтік медициналық сақтандыру қоры» КеАҚ Шымкент қаласы бойынша филиалының мамандары аталмыш компания ұжымына МӘМС шеңберінде талап етуге құқылы қызмет түрлерін баяндап, ақпараттық-түсіндірме жұмыстарын жүргізді. Бүгінгі таңда Шымкент қаласы бойынша халық саны 1 миллион 229 мың адамды құрайды. Тұрғындардың 80 пайызы міндетті әлеуметтік медициналық сақтандыру жүйесімен қамтылған. 214 мың адам сақтандырылмаған. Мемлекет 15 жеңілдік санатына кіретін азаматтар үшін МӘМС жарналарын төлеуді жалғастыруда. Еліміздің үшінші мегаполисінде міндетті әлеуметтік медициналық сақтандыруға жарна төлеуден босатылған тұрғындар саны 720 735. Жалпы, халық санының 58,7 пайызын құрайды.
Ақпарат үшін айта кетсек, жұмыс берушілердің аударымдары қызметкерлер жалақысының 3%-ын құрайды. |Аударымдардың ең жоғары сомасы 25 500 теңгеден аспайды. Бұл 10 ең төменгі жалақы көрсеткішінің, яғни 850 000 –ның 3% — ы. Биылғы жылы бір айлық ең төменгі жалақы көлемі 85 000 теңгені құрады. МӘМС жарналары мен медицина саласындағы маңызды мәселелер бойынша осы және өзге де мәліметтер бүгін «Міндетті әлеуметтік медициналық сақтандыру қоры» КеАҚ Шымкент қаласы бойынша филиалы өкілдерінің «Зерде -Фарма» ЖШС ұжымымен кездесуі барысында түсіндірілді. МӘМС жарналары төлеушілердің әр санаты үшін әр түрлі мөлшерде болады. Азаматтық-құқықтық сипаттағы шарттар бойынша табыс алатын қызметкерлер мен жеке тұлғалардың жарналары 2024 жылы олардың табысының 2% — ын құрады. Бұл ретте, егер жалақы мөлшері 10 ең төменгі жалақы мөлшерінен жоғары болса, онда тек осы сомаға ғана салық салынады және жарнаның ең жоғары сомасы 17 000 теңгені құрайды. Жеке кәсіпкерлер мен жеке практикамен айналысатындардың жарналары 5 950 теңгені немесе 1,4 ЕТЖ-нің 5% — ын құрайды. Дербес төлеушілер үшін жарна сомасы 4 250 теңгеге тең (1 ЕТЖ-дан 5%)
