Мектеп жасына дейінгі балалардың жас ерекшеліктері мен мүмкіншіліктеріне сәйкес рухани-адамгершілік құндылықтарын қалыптастыру, «Мәңгілік Ел» ұлттық идеясына жалпы адамзаттық құндылықтарға, ұлтжандылыққа тәрбиелеу, халықтық салт-дәстүрлер мен әдет-ғұрыптарға, әдебиет пен өнерге деген сүйіспеншіліктерін арттыру мақсатында қалалық “Айгөлек” балалар шығармашылық байқауын өткізу жыл сайын үрдіске айналып отыр.
«Айгөлек» балалар шығармашылық байқауына мемлекеттік және жекеменшік мектепке дейінгі мекемелер арасында мамыр айының 17-22 аралығында іріктеу кезеңі өтіп, оған 23-ке жуық балабақшалардың бүлдіршіндері додаға түсті. Өнердің түрлі жанрына өнер көрсеткен балғын өнерпаздар әп-сәтте залдың ішін думанды кешке айналдырып жіберді. Күміс көмей әнші де, мың бұралған биші де осында. Бүлдіршіндер шетінен өнерлі, өздерін сахнада байсалды ұстады.
Қалалық байқауда бәйгесі оза шауып, бас жүлдені қанжылаған бас жүлдегер №29 «Ай-Керім» бөбекжай балабақша бүлдіршіні Сайлаубек Ақбілек облыстық «Айгөлек» балалар шығармашылық фестивальіне жолдама алды.
