Автовокзалдардағы өрт қауіпсіздік шаралары түсіндірілді. Шымкент қаласы Әл-Фараби ауданының Төтенше жағдайлар бөлімінің инженерлік — инспекторлық құрамы Әл-Фараби ауданы әкімі аппаратының қызметкерлерімен бірлесе отырып, аудан аумағындағы автовокзалдарда рейдтік жұмыстарын жалғастыруда.Ұзақ жолдарға қатынайтын автокөлік жүргізушілерін жинап, ашық есік күнін өткізді. Бұл ретте «Автокөліктердегі өрттерді алдын алу»,«Өрт шыққан жағдайдағы жасайтын іс-әрекеттер» және «Улы газдың қауіптілігі» тақырыптары түсіндіріліп, жолаушылардың сұрақтарына жауап берілді.
Шымкент қаласынан тұрғындар көптеген аймақтарға қалааралық автобустар арқылы қатынайды. Осы ретте төтенше жағдайды болдырмай, алдын алуды қатаң ұстанған жөн.
Аталған іс-шараның мақсаты автокөлік ішіндегі жолаушылардың қауіпсіздігін қамтамасыз ету, сонымен қатар қала аумағындағы автокөліктерде орын алып жатқан өрттердің санын азайту.
Әл-Фараби ауданы төтенше жағдайлар бөлімінің қызметкерлері жүргізушілерден автокөлік терезелерінен темекі қалдықтарын тастамауды және өрт қауіпсіздігі қағидаларын қатаң сақтауды сұранады!
Шымкент қалалық төтенше жағдайлар департаментінің ішкі және сыртқы коммуникациялар тобы
