Облысымызда жас әншілер мен іс-шара жүргізушілерінің арасында ұйымдастырылатын «Арай -2020» байқауы өтті. Түркістанда алғаш рет өткізілген фестиваль Абай Құнанбаевтың 175 жылдығына арналды, деп жазады «OŃTÚSTIK арнасы» телеарнасының тілшісі Н.Кенжеханның материалына сілтеме жасаған didarbek.kz.
Бұл байқау облысымызда алғаш рет 1995 жылы ұйымдастырылған. Бүгінгі фестиваль реті бойынша 23-ші. Ал оның ішінде іс-шаралар жүргізушісі аталымы алғаш рет 2013-ші жылы енгізілді. Бұл жас таланттардың өзін танытуға берілген таптырмас мүмкіндік. Қазылар алқасы қатысушылардың бәсекесі өте жоғары екендігін айтады. Сондықтан бұл фестивальді республикалық деңгейге көтерсе, артық болмайды,- деп отыр.
Әділ Ахметов- әділқазылар алқасының төрағасы: Республика бойынша жас жүргізушілер байқайы тек осы Түркістан облысында ғана.Осыны есітіп таң қалып отырмын. Болашақта Түркістанға еліміздің барлық аймақтарынан келсе бір жағынан Түркістанның киелі жерлерімен танысады. Екінші жағынан көтеріңкі көңіл-күй сыйлар еді.
Байқау қағидалары бойынша бұл шараға қатысуға алғашында 294 өнерпаз өтиініш берген. Аудан қалаларда өткізілген іріктеуден кейін ақтық сынға 38 үміткер жолдама алған. Олар әнші және жүргізуші аталымдар бойынша өзара кім мықтыны анықтады. Байқау шарты бойынша әншілер Абайдың бір әні мен бүгінгі заман әнін орындауы тиіс болды. Ал жүргізушілер Абайдың қара сөздерін оқыды. Қорытындысында Рахымхан Аплатон үздік әнші деп танылды. Ал Үздік жүргізуші аталымын Инабат Абытханқызы иеленді.
Инабат Абытханқызы- «Арай -2020» фестивалі іс-шаралар жүргізушісі байқауының жеңімпазы: Мен Халықаралық қазақ-түрік университетінің актерлік шеберлік мамандығында 3-курс студентімін. Бұған дейін іс-шараларды жүргізіп келгенмі. Қатысушылардың деңгейі өте жоғары болды. Бәсекелестік жоғары болды.
Фестиваль жеңімпаздары қаржылай сыйлықтармен марапатталды. Ал 24-ші фестиваль араға жыл салып, осы Түркістан қаласында өтетін болды.
