Сайрам ауданының басшысы Арман Сәбитов жауапты тұлғалармен бірге Қарасу ауылдық округіндегі бүгінде жүзеге асып жатқан бірқатар құрылыс нысандарын аралады.
Алдымен Қарасу ауылына қарасты 106, 2 га құрайтын Жаңақұрылыс аумағында жүргізіліп жатқан ауыз су жүйесі бойынша инженерлік-коммуникациялық желілердің жұмыс барысымен танысты.
Аралау барысында мердігер мекеме өкілдеріне жүргізіліп жатқан жөндеу жұмыстарына қатысты бірқатар сын-ескертпелер айтты. Алдағы уақытта анықталған кемшіліктерді қалпына келтіріп, аталған нысандарды жұрт игілігіне сапалы және уақытында тиянақты тапсыруды жүктеді.
Сондай-ақ, тұрғындарды таза ауыз сумен қамтуға қатысты ұсыныс-мәселелерді тиісті мамандармен бірге талқылады.
Бұдан соң, Қарасу ауылдық округіндегі спорт кешенінің құрылыс жұмыстарының барысын бақылады. Мердігерлермен тілдесіп, аталған нысанды халық игілігіне сапалы және мерзімінде тиянақты аяқтауды тапсырды.
