2020 жылғы 11 маусымдағы жағдай бойынша елімізде жалпы статистикаға қосылмаған коронавирус індетінің белгілері жоқ 630 тасымалдаушы тіркелді. Шымкент қаласы бойынша олардың саны — 395 (+30). Ал Нұр-Сұлтан қаласында — 385 (+53) Алматы қаласында — 421 (+130).
3 маусымнан бастап Қазақстанда асимптомикалық коронавирус тіркеле бастады. Қазіргі уақытта Қазақстанда 1696 асимптоматикалық коронавирус тасымалдаушысы тіркелген. Алайда, COVID-19-дың асимптоматикалық түрімен тіркелгендер жалпы статистикаға енгізілмейді.
Асимптоматикалық жағдайлар COVID-19 вирусының бастапқы кезеңі болып есептеледі. Бұл жағдайда адам белгілердің басталуынан 2-3 күн бұрын жұқпалы болады. Пандемияның асимптоматикалық бағыты аурудың барлық кезеңінде симптомдардың болмауымен ерекшеленеді.
Коронавирустың асимптоматикалық тасымалдаушылары қаншалықты қауіпті? Дүниежүзілік денсаулық сақтау ұйымының мамандары ауру белгісі жоқ науқастар вирусты екінші бір адамға жұқтырмайтынын айтады. Осыдан 3 күн бұрын, Қазақстанның бас санитарлық дәрігері Айжан Есмағамбетова да өзінің журналистерге берген сұхбатында асимптоматикалық тасымалдаушылар аз жұқпалы болады. Егер сіз қашықтықты сақтап, бетперде киетін болсаңыз — бұл, әрине, инфекциядан қорғайды деп мәлімдеген болатын.
Сақтықта қорлық жоқ екенін ескеріп, барлық сақтық шараларын қатаң сақтауды ұмытпағанымыз жөн. Әсіресе, көпшілік орындарда түшкіру әдебі мен маскалық режимді әдетке айналдыруымыз керек.Өйткені, біз сақтық шараларын сақтамағанымызда тек өзімізге емес, айналамыздағы барлық адамдарға қауіп төндіреміз.
Сақтық шараларын тағы бір рет естеріңізге сала кетейік. Жеке бас гигиенасы қол жуудан басталады, ол бірінші орында. Дәрігерлердің кеңестерін орындап, күніне 2 рет қызуыңызды өлшеп, бөлмені желдетуді ұмытпаңыз.Үйде және көпшілік орындарда антисептикті қолданып, қолыңызды таза ұстаңыз. Көпшілік орындарда жөтел гигиенасын сақтаңыз. Әрбір түшкіруден немесе жөтелден кейін бір рет қолданылатын майлықты қолданыңыз, оны алғашқы қолданғаннан кейін тастауды ұмытпаңыз. Өз денсаулығымыз — өзіміздің қолымызда.
© DIDARBEK.kz
