Aудан әкімі Азат Оралбаев, облыстық мәслихаттың депутаттары Дулат Әбіш, Гани Раймбеков, аудандық мәслихаттың төрағасы Бақдәулет Жұмабеков, аудандық ардагерлер кеңесінің төрағасы Бостандық Жәкей, аудандық қоғамдық кеңестің төрағасы Бақытжан Бекбосынов, сондай-ақ ауданның бірқатар зиялы қауым өкілдері аудан орталығындағы Құртай каналының бойынан салынып жатқан гүлзарға “Киелі мекен” апталығы аясында түрлі сәндік ағаш көшеттерін отырғызды, – деп хабарлайды Didarbek.kz тілшісі Ордабасы ауданы әкімінің баспасөз қызметіне сілтеме жасап. Айта кету керек, аталған гүлзардың құрылысы өткен жылы қараша айында басталып, осы жылдың мамыр айында елдің игілігіне табыстау жоспарланып отыр. Гүлзарда балалар ойын алаңшасы, жастарға стрит воркаут, тынығуға арналған орындықтар мен жасыл желек аймағы жасалынған.© Didarbek.kz
