Басты бет » Төтенше » БЕЛГІЛЕРІ ЖОҚ КОРОНАВИРУС НЕСІМЕН ҚАУІПТІ?

БЕЛГІЛЕРІ ЖОҚ КОРОНАВИРУС НЕСІМЕН ҚАУІПТІ?

2020 жылғы 14 маусымдағы жағдай бойынша жалпы статистикаға қосылмаған коронавирус індетінің белгілері жоқ 490 тасымалдаушы тіркелді. Бұл туралы www.coronavirus2020.kz сайты хабарлады. Оның ішінде Шымкент қаласының көрсеткіші – 70. Жалпы белгілері жоқ тасымалдаушылар Қазақстанда — 4892.
Белгілері жоқ коронавирус дегенді қалай түсінеміз, вирусты тасымалдаушылар айналадағы адамдарға қауіпті ме, осы және өзге де мазалаған сауалдарға Шымкент қаласы Денсаулық сақтау басқармасының жоғары санатты дәрігер-эпидемиологы Маширов Қожахмет Намазбайұлы түсінік береді.
Симптомсыз коронавирус несімен қауіпті?
Ешқандай симптомы жоқ науқастар да вирус таратуы мүмкін. Оларды медициналық тілмен айтқанда «вирус тасымалдаушылар» деп атайды, екіншіден ондай науқастар 14 күн бақылауда болуы керек, себебі осы екі апта ішінде ғана аурудың белгілері байқалуы мүмкін.
Ешқандай симптомы жоқ инфекция жұқтырған адам вирусты тарата ма?
Симптомсыз коронавирустың қауіптілігі, ол адам өзінің ауырғанын білмейді және өзінің айналасындағы адамдар (отбасы мүшелері, жұмыстағы әріптестері) және қоршаған ортаға вирусты таратып, күніне бірнеше адамға жұқтыруы мүмкін.
Инфекция жұқтырған адам қай кезде аурудан айыққан болып саналады?
-Науқас толық емделіп шыққаннан кейін клиникалық белгілері толық жойылып, одан кейін алынған анализ нәтижесі теріс болған кезде ғана аурудан толық айыққан боп есептеледі.
Коронавирус пен тұмаудың айырмашылығы? COVID-19 дертінің симптомдары қандай?
Коронавирустың да, тұмаудың да қоздырғышы — вирус. Екеуі де инфекциялық жұқпалы аурулар. Бірақ қоздырғыш вирустары әртүрлі. Тұмау вирусы тек қана ауа тапшылы жолмен жұғатын болса, коронавирус ауа арқылы және қатынас арқылы жұғады. Екінші ерекшілігі тұмаудың инкубациялық кезеңі 5-7 күн, ал коронавирустың бұл кезеңі 14 күнге созылады.
Вирус жұқтырудан қалай сақтануға болады?
-Қоғамдық орындарда міндетті түрде бетперде кию, қолды антисептик құралдарымен залалсыздандыру, арақашықтық сақтау және жеке бас тазалығын сақтау қажет.

© DIDARBEK.kz

 

Пікір жазу

Ваш email нигде не будет показанОбязательные для заполнения поля помечены *

*