«Абай мұрасы – халық ұлағаты» көрмесі ашылды, деп хабарлайды didarbek.kz ақпаратттық агенттігі Түркістан облысы «Әзірет Сұлтан» мемлекеттік тарихи-мәдени қорық музейінің баспасөз қызметіне сілтеме жасап.
«Әзірет Сұлтан» мемлекеттік тарихи-мәдени қорық музейінде қазақ халқының ұлы перзенті Абай Құнанбаевтың туған күніне орай «Абай мұрасы – халық ұлағаты» атты фото-кітап көрмесі ашылды.
Көрмеге данышпан ақынның өмірі мен шығармашылығына арналған бірнеше кітаптар жинақталған.
Көрмеге Абай Құнанбаевтың «Қара сөздері», «Хикмет кітабы», Абай туралы естеліктер, Абай әуендері, С.Оразалиновтың «Абай елі» кітабы, М.Әуезовтың «Абай жолы» романы сынды түрлі басылымдар қойылды.
Көрмені Түркістан қаласының 50-ден астам мектеп оқушылары, сонымен қатар Ақтөбе қаласынан келген қонақтар тамашалады.
Шара соңында көрмеге келген меймандарға «Әзірет Сұлтан» қорық-музейінің баспа өнімдері мен «Ясауи мұрасы» газеті сыйға берілді.
Айта кетейік, биыл қазақтың бас ақыны хакім Абайдың (Ибраһим Құнанбаев) туғанына 173 жыл толды.
© DIDARBEK.kz
