Мемлекеттік тіл халықтар достығының дәнекері. «Жастар жылына орай мемлекеттік тілді жоғары деңгейде меңгерген өзге этнос жастарын анықтау және ынталандыру, мемлекеттік тілдің беделін артыру мақсатында Шардара аудандық «тілдерді оқыту және дамыту орталығының ұйымдастыруымен «Тіл мерейі» атты аудандық байқау өтті. Аталмыш шараға сегіз үміткер қатысып, мемлекеттік тілде бар өнерін ортаға салды.
Бұл туралы облыстық «On’tu’stik» телеарнасының тілшісі П.Биназарқызының материалына сілтеме жасаған «didarbek.kz» хабарлайды.
Шардара ауданында біршама этнос өкілдері өмір сүруде. Олардың үлкені де кішісі де мемлекеттік тілді үйреніп өскен орталарында құрметті жандар. Солардың бірі Анастасия Элизарова. Орыс ұлтынан болса да қазақ тіліне деген сый-құрметі ерекше. «Балбөбек» балабақшасында тәрбиеші болып жұмыс атқарып келе жатқан Анастасия бүлдіршіндерге мемлекеттік тілді дәріптеп келеді.
Анастасия Элизарова – сайысқа қатысушы: Сайыс төрт кезеңнен тұрды. Алғашқы айналымда қатысушылар ұяшықта жасырылған салт-дәстүр жайындағы сұрақтарға мүдірмей жауап берді. Кейін кез-келген жанрдағы қазақша мәтінді мәнерлеп оқыды. Үшінші кезеңде қазақ тілінің лексика мен грамматикасынан тест тапсырып, қазақтың ақын-жазуашыларының шығармаларын орындады.
М.Жұбаева – Шардара аудандық тілдерді оқыту орталығының мұғалімі: Тіл — ұлттық белгі, халықтық мұра, дүниетаным құралы. Халықтың тарихта қалуы тіліне байланысты. Тіл — халықтың жаны, сәні, тұтастай кескін келбеті, болмысы. Ал тіліміздің дәрежесі күннен-күнге қарқындап өсіп келеді. Оған бүгінгі сайыс дәлел.
