Түркістан облысы Сайрам ауданында зейнетақы, жәрдемақы төлемдері үш кезеңдік жұмыс тәртібімен жергілікті тұрғындардың үйді- үйіне таратылды. Бұл туралы Сайрам ауданы әкімінің баспасөз қызметіне сілтеме жасаған didarbek.kz ақпараттық агенттігі хабарлайды.
І кезеңде I-II топ мүгедегі болып табылатын азаматар мен мүмкіндігі шектеулі жандарға және жасы 80-нен асқан қарияларға зейнетақы таратылған болатын.
Ал II кезеңде почта қызметкерлері мен жергілікті атқарушы орган өкілдері, еріктілер жасы 65-тен асқандарға зейнетақысын арнайы тізімдеме (ведомость) арқылы үйіне жеткізіп берді.
— «Үйге жеткізіп береміз» дегенге сенбей әлде шыдамсыздықпен келіп, мазасызданғандар да болды. Дегенмен, азаматтарға үйді- үйіне жеткізіп берудің нәтижесінде аудандағы почта бөлімшелерінің алдында адам жиналу мәселесі шешімін тапты. Шамамен 75% төлемді үйге жеткізіп беру қызметімен тараттық. Ал адам азайғандықтан қалған 25%-ы зейнетақысын почта бөлімшелерінен алды, — дейді Сайрам аудандық почта байланыс торабының басшысы Д.Бегманов.
III кезеңде «Қазпочта» арқылы мемлекет тарапынан тағайындалған төлемдерді алуы тиіс азаматтардың бәріне тағайындалған жәрдемақы, зейнетақы таратылуда.
© DIDARBEK.kz
