Шымкент қаласы Отбасы, балалар және жастар істері жөніндегі басқармасының №4 балалар үйі және Сайрам ауданындағы №3 балалар үйінің бүлдіршіндеріне тәттілер жиынтығы мен керекті заттар таратылды.
Абдирәш Нұрдаулет Заузатұлының бастамасымен, «Жарқын өмір» қоғамдық бірлестігінің ұйымдастыруымен балалар үйінің тәрбиеленушілеріне тәттілер мен ойыншықтар таратылды.
Дана халқымыз «Адамның бақыты — балада» деген екен. Біреу бақытын байлықтан тапқысы келсе, екінші біреуі даңқ пен атақтан, мансап пен қызметтен іздестіреді. Мұның бәрі түсінген адамға қолдың кірі сияқты нәрсе. Адамға нағыз бақытты — тәрбиелі ұрпағы ғана сыйлай алады. «Адам ұрпағымен мың жасайды» деген сөз тегін айтылмаса керек. Олай болса, адам өмірінің мәні — өз ұрпағы.
Баланың қуанышын таба білетін, қолы ашық, жүрегі кең қазағымда осындай азаматтар баршылық! Ендігіде, Алланың нұры жауып, жетімін жылатпайтын, жанашыр да қамқор азаматтар қатары көбейе бергей!..
Сондай-ақ, демеушілік еткен Байдуллаев Жарқын Мустафионович есімді азаматқа «Жарқын өмір» қоғамдық бірлестігінің мүшелері алғысын айтуда.
Өз тілшімізден
