Демалысты қауіпсіз өткізу үшін, суда шомылу ережелерін сақтау қажет.
Жаз – демалу үшін тамаша кезең. Өзің және өзіңнің денсаулыға пайда келтіру үшін суда демалу кезінде суда өзіңді ұстай білу, жақсы жүзе білу, суда шомылу ережелерін сақтап, орындау қажет. Осы туралы №7 өрт сөндіру бөлімінің өрт сөндіруші және құтқарушылары Бадам өзен бойында шомылушылар арасында жүргізілген түсіндірме жұмыстары кезінде айтып берді. Өрт сөндіруші және құтқарушылар суда шомылу ережелері туралы толық түсіндіріп өтті.
Сондай-ақ суда қуалап, ұстау секілді ойындарды ойнамауға, су айдындарында демалу кезінде су алып келетін қауіпті ұмытпауға, таныс емес жерлерде шомылмауға және жүзу кезінде алысқа ұзап кетпеуге қайықтардан, кемелерден, айлақтардан суға, сонымен қатар, бұл үшін арналмаған жерлерден секірмеуге кеңес берді. «Тек қарапайым қауіпсіздік ережелерін сақтау арқылы біз өзіміздің демалысымызды қандай да бір оқыс оқиғаларсыз өткізе аламыз»-деп атап өтті. Балалар қызыққаны сонша, толық білгісі келіп, суда шомылу бойынша ережелер туралы сұрақ қойды және жан-жақты жауап ала алды.
А. Жүнісбеков
Шымкент қ. №7 өрт сөндіру бөлімінің бастығы
азаматтық қорғау майоры
