Оңтүстік Қазақстан облысы прокуратурасының бастамасымен ауыл шаруашылық жерлерін ұтымды пайдалану және пайдаланылмай жатқан жерлерді мемлекетке қайтару мақсатында «Оңтүстік жерлерін ұтымды пайдалану» жобасы іске асырылуда.
Жоба аясында тиісті іс-шаралар жоспары бекітілді және негізгі орындаушылар айқындалды (облыстық жер қатынастары, жер инспекциясы, ауыл шаруашылық басқармалары мен қала және аудан әкімдері).
Жүргізілген түгендеу жұмыстарының нәтижесінде, жалпы алаңы 63,7 мың гектарды құрайтын 467 ауыл шаруашылық жерлері қала және аудан әкімдіктерімен келісім шарттарды бір жақтама бұзу арқылы мемлекетке қайтарылды.
61 мың гектар ауыл шаруашылық жер иелері жерлерді қайта игеруге кіріскен, ал 83 мың гектар жерлердің құжаттары жер инспекциясына тиісті шара көру үшін жолданды.
Бұдан бөлек, өткен мерзімде прокурорлық ықпал ету шаралары нәтижесімен кадастрлық құны 200 млн. теңгені құрайтын 6 мың гектар (159 уч.) жер учаскелерін мемлекетке қайтаруға қол жеткізілді.
Қазіргі таңда, бұл бағыттағы жұмыстар өз жалғасын табуда.
