Қазақстан Республикасы Президентінің 2022 жылғы 22 ақпандағы «Қазақстан Республикасы Президентінің кейбір жарлықтарына өзгерістер мен толықтырулар енгізу туралы» №814 Жарлығы бекітілген. Онда «Мемлекеттік қызмет өткерудің кейбір мәселелері туралы» Қазақстан Республикасы Президентінің 2015 жылғы 29 желтоқсандағы №152 және «Қазақстан Республикасы мемлекеттік қызметшілерінің әдептілік нормалары және мінез-құлық қағидаларын одан әрі жетілдіру жөніндегі шаралар туралы» Қазақстан Республикасы Президентінің 2015 жылғы 29 желтоқсандағы №153 Жарлықтарына өзгерістер енгізіліп, үстіміздегі жылдың 23 ақпанынан бастап қолданысқа енгізілді. Жаңа Әдеп кодексі қызметтік әдеп стандарттарын белгілейді және мемлекеттік қызметшілердің моральдық-адамгершілік қасиеттерін қалыптастыруға негіз болады.
Осы мақсатта Әдеп жөніндегі уәкіл мен Қазақстан Республикасы Мемлекеттік қызмет істері агенттігінің Шымкент қаласы бойынша департаментінің бас маманы Сәкен Қантаевтың қатысуымен Шымкент қаласының жұмыспен қамту және әлеуметтік қорғау мен мемлекеттік еңбек инспекциясы басқармаларының мемлекеттік қызметшілеріне жаңадан қабылданған мемлекеттік қызметшілердің әдеп кодексі талаптары мен сыбайлас жемқорлықтың алдын алу, мемлекеттік қызметшілердің және оларға теңестірілген адамдардың кәсіпкерлік қызметпен заңсыз айналысу фактілеріне жол бермеу және мемлекеттік органдар басшыларының қаржылық бақылау шараларын қабылдамау фактілерін түсіндіру бойынша семинар ұйымдастырылды.
Семинар барысында жоғарыдағы Жарлықтан туындаған мәселелер бойынша сұрақтарға жауаптар берілді.
Айта кетейік, Сыбайлас жемқорлыққа қарсы қызметінде тәулік бойы 1424 CaII-орталығы жұмыс істейді.
Лауазымды тұлғалар тарапынан ақша қаражатын бопсалау, жымқыру, өкілеттілігін асыра пайдалануға тап болған кез келген азамат осы номерге хабарласа алады.
