Қазақстан Республикасының денсаулық сақтау министрі Ажар Ғиният Шымкент қаласына келген жұмыс сапары барысында БАҚ өкілдерінің қатысуымен брифинг өткізді.
Медицина қызметкерлерінің жалақысын экономика бойынша орташа жалақыға қарағанда 2 есеге арттыру бойынша жұмыс жүргізілуде. 2023 жылға қарай дәрігерлердің орташа жалақысы тиісінше 531 мың теңгені, ал орта медициналық қызметкерлердің орташа жалақысы тиісінше 250 мың теңгені құрайды.
Отандық денсаулық сақтаудың басым міндеттерінің бірі-еліміздің халқын дәрі-дәрмекпен үздіксіз қамтамасыз ету. «СК-Фармация» ЖШС Бірыңғай дистрибьюторы амбулаториялық дәрі-дәрмекпен қамтамасыз ету шеңберінде 175 млрд.теңгеден астам сомаға дәрілік заттарды сатып алды, бұл ретте өңірлерге сатып алынған ДЗ-ның 45% — ы жеткізілді, стационар деңгейінде 179,2 млрд. теңгеден астам сомаға сатып алынды, бұл ретте өңірлерге сатып алынған көлемнің 39% — ы жеткізілді.
Шымкент қаласында 9,5 млрд. теңгеге амбулаториялық дәрі-дәрмекпен қамтамасыз ету үшін дәрілік заттар сатып алынды.
Амбулаториялық дәрі-дәрмекпен қамтамасыз етуге кірмейтін дәрілердің қолжетімділігін арттыру үшін «Халық денсаулығы және денсаулық сақтау жүйесі туралы» Кодекске ауылдық денсаулық сақтау объектілерінің базасында дәріхана пункттерін құру бойынша өзгерістер енгізілді.
Сақтандырылмаған азаматтарды МӘМС жүйесінде медициналық көмектің қолжетімділігін арттыру мақсатында «Міндетті әлеуметтік медициналық сақтандыру туралы» Заңға МӘМС жүйесіне кірудің баламалы тәсілін енгізу бойынша 12 ай бұрын МӘМС жарналарын төлеу жолымен, өткен кезеңдегі берешектің күшін жоюмен толықтырулар енгізілді.
Денсаулық сақтау жүйесіндегі белгілі жетістіктермен қатар, бәрін бірге шешу қажет міндеттер де бар.
