Сайт жасап беруге тапсырыс қабылдаймыз! Толық жасап беру құны – 150 мың теңге. Хабарласу үшін: qorlyq@list.ru
Басты бет » Шымкент » «Дүниежүзілік тазалық күні»: Шымкентте жалпы қалалық сенбілік өтеді

«Дүниежүзілік тазалық күні»: Шымкентте жалпы қалалық сенбілік өтеді

Ертең 17 қыркүйек «Дүниежүзілік тазалық күні (World Cleanup Day 2022)» экологиялық акциясы аясында Шымкент қаласы аумағында жалпы қалалық сенбілік өтеді, деп хабарлайды didarbek.kz ақпарат агенттігі. Сенбіліктің мақсаты — аумақты қоқыстан тазарту бойынша іс-шаралар кешенін ұйымдастыру үшін қала тұрғындарын біріктіру.

Еске сала кетейік, қаламызда қоқысқа қатысты мәселенің туындағаны белгілі. Қазіргі таңда қала бойынша көп қабатты үйлерден қоқыс шығарумен айналысатын мекеме бұл салада үлкен басымдыққа ие. Аталған мекеме жалпы 2 294 көп қабатты үйлердің 1 643 яғни 71,6 % және 4268 көшелердің 1 058 көшелердің яғни 24,7 % қоқысына жауапты. Шымкент қаласы әкімдігінің баспасөз қызметінің мәліметінше, мекеме түрлі себептерді алға тартып, өзіне жүктелген міндеттемелерін орындамауда. Атап айтқанда бірінші кезекте дизель отынының жоқтығын алға тартқан. Аталған мәселе бойынша қала әкімдігі тарапынан дер кезінде тиісті жұмыстар жүргізіліп, оң шешімін тапқан. Екінші себеп ай сайынғы түсімдер тоқтаған. Міндеттемелерін орындамаған мекемеге қала тұрғындары наразылық білдіріп, төлем жасаудан бас тартқан. Салдарынан ай сайынғы қаржылай түсім тоқтап, мекеменің лизингтік жүктемесі және жұмысшы ақысын төлей алмауына байланысты жалпы жұмысы толық тоқтатқан.

«Қазіргі таңда шұғыл түрде бұл қызметті атқаратын мекемелерді жұмылдырудамыз. Қысқа мерзімде мәселе оң шешімін тауып, қаламыздың тазалығы қалпына келетін болады. Қала тұрғындарын осы себептерден туындаған баршамызға ортақ мәселеге түсіністікпен қарауға шақырамыз», — делінген хабарламада. Айта кетейік, қаламыздағы көшелер, автобус бекеттері, саябақтар мен гүлзарлардың тазалығына және аталған жерлердегі (қоғамдық жерлер) тазалық пен қоқыстың шығарылуына тікелей мемлекеттік мекемелер жауапты. Ал көп қабатты үйлер мен жеке секторлардағы үйлерден шыққан қоқыстардың уақытылы алынуы мен қоқыс жәшіктерінің тазалығына тұрғындармен (ОСИ, ПТ) келісім – шартқа тұрған мекеме жауапты екенін ескеру қажет. Мекеме жұмысын сапалы және кестеге сай орындамаған жағдайда, олармен болған келісім шартты бұзып, басқа мекемемен келісу тұрғындардың құзіретінде.

Пікір жазу