Шымкент қаласының денсаулық сақтау басқармасының басшысы Нұрлыбек Асылбеков гемодиализ қабылдайтын науқастармен кездесті, деп хабарлайды didarbek.kz ақпараттық агенттігі. Жиында қаланың бас дәрігері бүйрек жеткіліксіздігімен есепте тұратын науқастардың мәселелерін тыңдап, пікір алмасты.
— Шымкент қаласында 500-ге жуық адам бүйректің терминальді жеткіліксіздігімен гемодиализ қабылдауда. Қаламыздағы диализ орталықтарының саны 6-ау. Ал бүйрек жеткіліксіздігімен қала бойынша 250-науқас есепте тұрады. Амбулаторлық-консультативті кеңесті қала бойынша 5 мекеме жүргізеді. Атап айтқанда, Шымкент қалалық №2 ауруханасының емханасы, қалалық №12 емхана, қалалық №2 емхана, N13 емхана және Диагностикалық орталық. Мұндай науқастар үшін барлық жағдай жасалуы тиіс. Пациенттердің мәселесі кезек күттірмейді, — деген басқарма басшысы Нұрлыбек Асылбеков жауапты мамандарға нақты тапсырмалар жүктеді.
Жиында науқастар тарапынан айтылған мәселелер бойынша гемодиализдік орталықтардағы көрсетіліп жатқан медициналық көмек бойынша мониторинг жүргізу бойынша ұсыныс енгізілді. Сондай-ақ басқарма басшысы амбулаториялық бағдарламалық гемодиализге алынған науқастардың көрсетілімдері бойынша бас штаттан тыс гемодиализ бойынша маманмен бірге бақылау, қадағалау жұмыстарын жүргізуді тапсырды.
Жалпы дәрігерлердің айтуынша, СБА ауруына жүрдім-бардым қарауға болмайды, егер пациент дәрілерді уақтылы қабылдап, денсаулығына қатысты айтылған кеңестерді орындап, саламатты өмір сүруге ұмтылса асқынулардың алдын алуға болады, ал, керісінше тиісті мән берілмесе, асқынудың соңы диализдік терапиясыз немесе бүйректі трансплантациялаусыз өмір сүруі мүмкін емес бүйрек ауруының терминалдық сатысына дейін өршиді. Терминалдық саты дегеніміз – қарапайым тілмен айтқанда, бүйректің ісініп, өз қызметін мүлде атқара алмай қалуы.
