Аудан әкімі Мұхит Тұрысбеков әр саланың майталман мамандарынан және кәсіпкер әйелдер мен іскер қыз-келіншектерден құралған «Бақ-Нұры» іскер әйелдер қоғамдық бірлестігінің белсенді мүшелерін қабылдады, – деп хабарлайды Didarbek.kz тілшісі Созақ Ауданы әкімінің баспасөз қызметіне сілтеме жасап.
![Возможно, это изображение 10 человек и отдел новостей](https://scontent.fcit5-2.fna.fbcdn.net/v/t39.30808-6/445587935_8151095111567096_7076641323500010125_n.jpg?_nc_cat=105&ccb=1-7&_nc_sid=5f2048&_nc_ohc=hV2j6PcgbaUQ7kNvgEKOQai&_nc_ht=scontent.fcit5-2.fna&oh=00_AYCHEcoAtV1pyF5onFZUJp32ph7LTZI5q3K2zIfoeINgzA&oe=665D0FC0)
Ұйым мүшелеріне әрбір атқарып келген игі шаралары үшін алғыс айтып, еркін тақырыпта пікір алмасты. «Бақ-Нұры» іскер әйелдер қоғамдық бірлестігінің 10 жылдық мерейтойымен құттықтап, құрмет көрсетті.
«Бақ-Нұры» іскер әйелдер қоғамдық бірлестігінің төрайымы Нұржамал Майусова ұйымның бүгінге дейінгі атқарған жұмыстары мен алдағы жоспарларына тоқталып өтті. Бірлестіктің 10 жылдық мерейтойына орай шығарылған журналды көпшілікке ұсынып, жаңа журналдың лентасы қиылды.
![Возможно, это изображение 5 человек и текст](https://scontent.fcit5-2.fna.fbcdn.net/v/t39.30808-6/446805630_8151095381567069_7265890488629855020_n.jpg?_nc_cat=100&ccb=1-7&_nc_sid=5f2048&_nc_ohc=BUeaiZkDIuMQ7kNvgFX1Q0X&_nc_ht=scontent.fcit5-2.fna&oh=00_AYAQ3JZVtl3As9HVXKhzgCRCCjma_QTBp3-gXON9QSfnjA&oe=665D1FD4)
Айта кетейік, бірлестік әр жылы аудан аумағындағы түрлі қоғамдық шаралар мен қайырымдылық акцияларға белсене араласып келеді. Қайырымды, белсенді қыз келіншектерден құралған бірлестік заңды тұлға ретінде тіркелген. Ұйым арнайы түзілген іс-шара жоспарына сәйкес қамқорлық акциялар мен қоғамдық іс-шараларға мейірімді жүректерімен атсалысып келеді.
© Didarbek.kz