Aудан әкімі Арман Абдуллаев Ақжар ауылдық округіне арнайы барып, Бағыс елді мекенінде жайылым жер мәселесі бойынша ауыл тұрғындарымен кездесіп, мәселенің мән-жайын талқылады, – деп хабарлайды Didarbek.kz тілшісі Сарыағаш Ауданы әкімінің баспасөз қызметіне сілтеме жасап.
Кездесуге аудан әкімінің орынбасары Нұрболат Талипов және жер иелері қатысты.
Жиын барысында тұрғындар жылдан жылға мал санының көбеюіне байланысты, ортақ мал жайылымын ұлғайту туралы ұсыныс пікірлерін білдірді.
Аудан басшысы тұрғындарға жерге қатысты мәселелер тек қана заң аясында жүргізілетінін түсіндіріп, мәселелердің тиімді шешу жолдарын қарастыру бойынша ұсыныстар ортаға салынды.
© Didarbek.kz
