Рашид Мыңбаевтың ұйымдастырған көптеген фейктері біздің сындарымызға: «Дәлел қайда?» деген соң, көпшілік назарына шығарғымыз келмеген осы айғақтарды жариялауымызға тура кеп отыр. Оның үстіне, редакциямызға біраздан бері аудан тұрғындары хабарласып, бұл әкімнің өз тікелей функционалдық міндеттеріне деген енжарлығына наразылығын білдіріп жүргенін ескердік. Сонымен, көпшіліктің сұранысымен қала орталығындағы Қазыбек би көшесіне портал тілшісі ат басын бұрды. Сондағы көргендеріміз мынау болды:
тозығы жетіп, қирап қалғанына бірнеше жыл болса да, жөнделмеген, ауыстырылмаған дала орындықтары;
әбден ластанған аулалар, біраздан бері үйіліп қалған күл-қоқыстар, мегаполис атына кір келтіретін көріністер;
быт-шыт болған балалар алаңшалары, бала өміріне қауіп төндіретін үзілген сымдар, абаттандыру көрмеген аулалар…
Р.Мыңбаевтың Әл-Фараби ауданының әкімі лауазымына тағайындалғанына 3,5 жыл болғанын назарға алсақ, осы уақыт ішінде ауданда жұмыс мүлдем жүрмеген сияқты екен. Бәлкім, оның орнына аудан тіршілігіне қан жүгіртетін жігерлі басқа әкім тағайындаған жөн болар?! Қалай ойлайсыз, Ғабит Әбдімәжитұлы мырза?!.
© Didarbek.kz
