Жолдарды күтіп ұстау жұмыстарымен қала көшелерінің асфальтбетон жамылғысының 450 мың м2 шұңқырларын жамау жоспарланып, 275 мың м2 шұңқырлары жамалды. Шұңқырларды жамау жұмыстары 2023 жылмен салыстырғанда 5 есеге көп.
Сондай ақ тұрғындардың сұраныстарына сәйкес, тез арада жағдай жасау мақсатында бұрын асфальтбетон қабаты болмаған 81 көшеге немесе 30 км көшеге асфальтбетон қабатын салу жоспарланып, бүгінгі күні 36 көшеге асфальт қабаты төселінді. Бұл өз кезегінде 1 жылдық уақытты және 500 млн. тенге қаражатты үнемдеуді берді.
Тозығы жеткен 11 орталық көшенің асфальтбетон қабаты жаңартылды. (Түркістан, Төреқұлов, Әйтеке би, Ақпан батыр, Серпін, Әмір Темір, Гүлдер ай, Сайрам,Шаймерденов көшелері және Әл-Фараби алаңы мен А2 айналма жолы-Республика қиылысы).
Әл-Фараби алаңының жол жамылғысының тозығы жеткендігінен жыл сайын шұңқырлардың және жарықшалардың пайда болу әсерінен жамау жұмыстарын әр жылы жүргізу бюджетке тиімсіз болды. Жол жолақтарын жаңартуда ескі асфальтбетон қабатына жанаспауы әсерінен және аталған алаңға соңғы жөндеу жұмыстары 2009 жылы жүргізілгендігін, яғни аралық жөндеу мерзімінің өтіп кеткендігін және де жол қозғалысы қауіпсіздігін қамтамасыз ету керектігін ескеріп, ағымдағы жылы жол жамылғысына жаңарту жұмыстары жүргізілді.
Қалада жолаушыларға қызмет көрсетудің сапасын жақсарту мақсатында тиіді жұмыстар атқарылуда.
Тұран шағынауданы жолаушыларының артуына байланысты, 5 қыркүйектен бастап №104 автобус маршрутының сызбасы №79 мектепке дейін ұзартылды және қосымша 4 кесте қосылып 16 кесте 11 минуттық жиілікпен жұмысы ұйымдастырылды.
Сонымен қатар, №66 автобус маршрутына қосымша 2 кесте қосылып 18 кесте 12 минуттық жиілікпен жолаушылар ағымына байланысты жұмысы ұйымдастырылды.
Тұрғындар тарапынан түскен әрбір өтініш ескеріліп, зерделеу нәтижесінде тиімді шаралар қолданылуда.
