Салауатты өмір салтын қалыптастырып, Түркістан қаласында бұқаралық спортты дамыту мақсатында түрлі спорттық нысандар салынуда.Осы орайда жалпы М.Төлебаев көшесінде; Баянауыл аумағы мен Теріскей көшесінде және Мақатаев көшелерінде құрылысы басталған спорт кешендері бар. Спорт кешендерінің құрылыс жұмыстарының жүргізілу қарқыны мен жұмыс сапасын тексеру мақсатында Түркістан қалалық мәслихат төрағасы мен мәслихат депутаттары Дәурен Тәңірбергенов, Аюпов Данияр, Тұрманов Бақдаулет пен Мұсабеков Данияр және Мұсабек Құлбатыр қатысты.
Жасөспірімдер қамы үшін салынып жатқан кешенаманауи талапқа сай дайындалған құрылыс эскизінде нысанда бокс, дзюдо, үстел теннисі, баскетбол, еркін күрес, тағы да басқа спорт түрлерімен айналысуға болады. Келушілердің ыңғайлылығы үшін киім ауыстыруға, душ қабылдауға арналған арнайы және бапкерлер мен медбикелерге арналған бөлмелермен қамтылған. Спорттық кешен келісім-шарт бойынша 2025 жылы пайдалануға беріледі деп жоспарлануда.
